[Intro]
mir schriibä z`jahr 2084.
dases aunä immer no cha guet gah, müessä aui gliich und berächebar sy.
den imnä perfektä system hez kei platz für fählerhafti prozässä.
jedi störig vom gregletä tagesablouf wird mitem sofortigä tod bestraft.
härzlech wiukommä.

[MQ]
weiss nid viu vor autä wäut, gloub nid anä besseri
d`mittu nid di glichä, abr sy scho immer gfesslet gsy
sklavä vom konsum, syt tagä im cocoon
sy gfangä i däm digitalä labyrinth verruumt
wo si gfüuh hei verbotä, wüu si d`arbeitsleistig sänkä
darfi nümä lächlä u mä laht mi nüm la grännä
di statik reglät d zläbe, mini meinig wird nid ghört
ä gedankä wo nid wichtig würkt, wird eifach widr glöscht
si löh mi ab und zuä in datäström uf reisä
persönlech chani fründä scho sit jahrä nüm erreichä
d`fassadä wo si zeigä, die letsti blibeni landschaft
hei ging heili wäut gspiut u ds het üs ersch chrank gmacht
s`wird zum standard, iz wirds o scho gschetzt
ds si üsi schiibä mit displays hei ersetzt
nöii sicherheitsgsetz, stoppä d kriminalität
glichzitig jedi form vo individualität

[Hook]
i binä blindä passagier irä starrendä stadt
jedä tag vouer furcht, dass mi d`kamera faht
wüu dr mönsch sech vergisst u sini fähler ou
bis sech d`gschicht widrhout u iri fähler ou
bini ä blindä passagier irä starrendä stadt
jedä tag vouer furcht, dass mi d`kamera faht
wüu dr mönsch sech vergisst u sini fähler ou
bis sech d`gschicht widrhout u iri fähler ou

[Nikn]
i erinnerä mi zrügg - 2016
d wäut isch okey xi, ha afa rappe
expertä hei gwarnt vor szenariä wiä hüt
denn zumau dürägschpiut, realer wärds nümm
doch heisi schtachudräht zogä i nacht- u näbuaktionä
im schiinwärferchegu und mit lutschterchepegu
hüt blickämer dürä, ds isch d realität
us denä fünkli konflikt wärdä flächäbränd
äs isch trurig, wiäsechs het entwicklet
i jedä schwarzgäudkonflikt isch ä chef verwicklet
si hei kontänä gfüährt, interkontinäntau
pächschwarz, so das sogar no der tod erschtrahut
d' kids wo id schueu gö chöi ds aus nümm wahr nä
wiu sih sih bi jedere glägäheit vor frömdem warnä
beschütz z kapitau voder wiägä bis id urnä
z system isch perfekt - chriegerlis im turnä
aus was dasdä büglisch, entscheidisch scho lang nümm
si teschtä di und setztä di ih, dert wos sä grad dünkt,
was, dassd studiersch oder was dasd verdiensch?
isch aues scho beschtummä, aber niämeh vo dir
und das aues nur zu üsem beschtä weisch
dürä fortschritt und sicherheit i fesslä gleit
früener mit plakat - hüt live ider cam
früener mitmä schaf - hüt ächt mitre fam
hüt am morgä im zug wider kontrolliert
aui gfiuzet doch schpiuz ä ke rouä hiä
fingesi trotz dä modernschtä fiuzzüg
nüt angers ussert es paar chleider u schpiuzüg
trotz mim chip im arm - chönnts ächt erträgä
müässti ds nino minä ching erklärä
früäner heimer frei dür au diä länder chönnä reisä
u wiäs hütt isch - du weisches!

[Hook]